睇唔慣既,唔止係簡體字

文匯報訊:
「檢方通報稱，經委託司法鑑定機構鑑定，雷某符合生前胃內容物吸入呼吸道致窒息死亡。本例吸入性窒息的形成不排除與死者生前在飽食狀態下，因執法過程中的外力作用和劇烈活動以及體位變化等因素有關。事發後，邢某某在接受媒體採訪時作虛假陳述，引發公眾質疑，並與其他4名涉案警務人員故意編造事實、隱瞞真相，妨礙偵查。」

我英文唔好,但又鐘意睇外國小說,雖然好多大陸譯既書,兩折就買到,唔講佢地簡體字既問題,淨係講佢地既語文邏輯,定係人文文化,佢地既書,睇得好辛苦.

呢排有段大陸新聞,講大陸公安拉人嗰時,整死咗個犯,「認定五名雷洋案涉案民警符合玩忽職守罪構成條件，但綜合全案認定犯罪情節輕微，依法作出不起訴處理」,我淨係講個錢鍾書作既「玩忽職守」四個字,都已經睇得好唔順眼,原本好地地,疏失,疏忽已經表達到個意思,改咗用玩忽職守真係睇唔慣,「玩」咩呢?

然後睇返篇文,「吸入性窒息」,又係大陸字,又唔係寫醫學文獻,窒息都係講緊塞鬼住咗個氣管㗎啦,任你點寫都係窒息,透唔到氣既意思,寫多2隻字好似Pro啲咁.「執法過程中的外力作用和劇烈活動以及體位變化等因素有關」咩外力作用,體位變化,總之好簡單,公安拉人嗰時搞到個犯窒息,清楚易明,幾隻字搞掂啦.之後仲有「編造事實」呢幾隻字,編造出嚟既就唔會係事實啦,最多咪叫作咗個故仔,講咗大話,虛假陳述,比假口供,編造出嚟既,永遠唔會係事實.

大陸話簡體字可以比更多人識字,但通俗文字就寫到水蛇春咁長,簡單複雜化,本末倒置,有個字眼我最憎,就係佢地講既「驕傲」,明明係個貶意既字,個個話咩中國既驕傲,驕咩傲啊,榮譽其實真係好地地. >>文匯報篇文章<< #齊顏石 #顏石部落 #Zoe Shek #zoe.chaknganshek@gmail.com