成個鐘去拗呢啲無聊嘢

「我唔明點解你契哥要攬住你行囉!」
「吓,咁頭先人多,佢驚我比人撞親掛,況且只係搭,唔係攬囉.」我捉住阿邊個隻手,放落我條腰度.咁先叫攬囉.」
「咁你拖住我都得啦.」
「我本來拖住你,咁逼吓逼吓先鬆咗手,之後阿契哥搭住我我都唔知.」其實我知囉,我知佢係咁掃我條添,不過我都要打咗佢幾拳,我真係覺得大家係「打打鬧鬧」嗰種玩囉.
「我見到你好似翹住佢添.」好似即係睇得唔清楚啦.
「冇啊,你睇錯咗.」我真係覺得好煩,就算拖住都唔係代表我鐘意第2個囉,我同我啲Friend都係翹住出去行㗎啦.

阿邊個對我好好,我明,但我真係好似湊細路咁,屋企已經要湊住細佬,出去諗住透吓氣,得嗰2個鐘,我地用咗成個鐘去拗呢啲無聊嘢.