磅洗啲衫縮曬水

搬返細個間舊屋之後,間屋太細,唔夠位擺洗衣機,所以除咗細佬啲衫之外,我地啲衫都係拎去磅洗,唔知係咪以前間屋部乾衣機,我地唔會用高溫乾衣,但洗衣鋪要慳時間,所以我諗會用比較高既溫度整乾啲衫,拎完返嚟啲衫一來硬,二來我發覺啲衫有少少縮水,最明顯既,係我發覺我啲底底縮咗水,而家成日條底底會「Zip」咗入個PatPat入面,之前完全唔會咁樣,同埋因為呢次搬屋,因為大屋搬細細細屋,好多衫都唔敢拎過嚟,底底我都只係拎咗5條就算,我仲諗住拎最靚靚嗰5條,即係有啲細個阿媽買落,好似啲婆仔底底我就梗係唔拎啦,點知呢次就出事嘞,5條都係細細條,當然又唔係T-Back啦,但布少少既款,而家洗一洗,撞鬼囉,再細咗.

呢2日襯未返學,要快啲去入返幾條婆仔底底先得,有咩好選擇呢?UNIQLO好無呢?都要成$80蚊條,又唔敢買出面平嗰啲,驚料差著焗住仲衰.